ခါးဆစ်ရောင်လေးဖက်နာရောဂါသည် ခါးရိုးသာမက ကိုယ်တွင်းအင်္ဂါများကိုပါ ထိလာတတ်သည့်အတွက် ပေါ့ဆမနေသင့်

ခါးဆစ်ရောင်လေးဖက်နာရောဂါသည် ခါးရိုးသာမက ကိုယ်တွင်းအင်္ဂါများကိုပါ
ထိလာတတ်သည့်အတွက် ပေါ့ဆမနေသင့်ဟုဆို

ခါးဆစ်ရောင်လေးဖက်နာရော ဂါသည် အချိန်ကြာလာပါက ခါးရိုးသာမက ကိုယ်တွင်း အင်္ဂါများကိုပါ ထိလာတတ်သည့်အတွက် ပေါ့ဆမနေ သင့်ကြောင်း အရိုး၊ အကြော၊ အဆစ်အထူးကုဆရာဝန် ကြီးပါမောက္ခဒေါက်တာချစ်စိုးက ပြောသည်။

”ခါးဆစ်ရောင်လေးဖက်နာက ကြာရင် ခါးရိုး သာမက ကိုယ်တွင်းအင်္ဂါတွေကိုပါ ထိလာတတ်တာမို့ ပေါ့ပေါ့မနေဖို့လိုအပ်ပါတယ်။ မျက်စိရောင်ပြီးနီတာ၊ အဆုတ်အပေါ်ပိုင်းခဲတာ၊ ဖနောင့်ကြောတွေ ရောင်တာ တွေလဲဖြစ်နိုင်တယ်”ဟု ဒေါက်တာချစ်စိုးကပြောသည်။

ခါးဆစ်ရောင်လေးဖက်နာလက္ခဏာ

ခါးရိုးရောင်သူသည် မတ်တတ်ရပ်ပြီး လက်ဖျားနှင့် ကြမ်းပြင်ကိုထိစေရန် ခန္ဓာကိုယ်ကိုကိုင်းကြည့်ပါက လက် ဖျားနှင့်ကြမ်းပြင်မထိတော့ဘဲ ကျောရိုးကြီးတောင့်နေ သည်ဆိုပါက ခါးဆစ်ရောင်လေးဖက်နာဟု ယူဆ၍ ရကြောင်း သိရသည်။

ပိုသေချာစေရန်အတွက် ခါးဆစ်ရိုးကို ဓာတ်မှန် ရိုက်ကြည့်လိုက်ပါက တင်ပါးချိုင့်ရိုးအဆစ်သည်ရောင် နေခြင်းကိုတွေ့ရှိရလျှင် အဆစ်ရောင် ခါးနာရောဂါဖြစ် နေပြီဖြစ်ကြောင်း၊ ယင်းရောဂါကိုကုသရာတွင် လေးဖက် နာရောဂါ၌ သုံးသော ခုခံဓာတ်ကို ထိန်းပေးသော ဆေး များသောက်ရကြောင်း သိရသည်။

ခါးဆစ်များမရောင်ဘဲနှင့်ခါးနာခြင်း

”နောက်တစ်မျိုးကတော့ ခါးဆစ်တွေမရောင်ဘဲနဲ့ ခါးနာတာ။ အဲဒါကတော့ အလေးအပင်မလို့ဖြစ်တာမျိုး တွေ၊ နေထိုင်မကောင်းလို့ ကြွက်သားနာသွားတာမျိုး တွေ၊ အဲဒါမျိုးတွေကသိပ်ပြီးတော့ နာတာရှည်ဖြစ်တာ မဟုတ်ဘူး။ ဆေးလဲသိပ်ပေးလို့မရဘူး။ အဲဒီမှာအရေး ကြီးတာက အနေအထိုင်မှန်အောင်လုပ်ဖို့နဲ့ကြွက်သား တွေသန်အောင်လုပ်ဖို့လိုပါတယ်။ အဲဒီလိုလူတွေက တော့ လေ့ကျင့်ခန်းဌာနနဲ့ပိုဆိုင်တာပေါ့”ဟု ပြောသည်။

လေ့ကျင့်ခန်းလုပ်သင့်

လေ့ကျင့်ခန်းအနေဖြင့် ရေကူးခြင်းကိုပြုလုပ်ပေး သင့်ပြီး အိပ်ရာပေါ်တွင်မှောက်လျက်အိပ်ပေးခြင်း၊ မှောက် လျက်လက်ရှေ့ဆန့်ထားကာ ခါးကိုကော့တင်သည့် လေ့ ကျင့်ခန်းလုပ်ပေးခြင်းတို့သည် ခါးနာခြင်းဝေဒနာပျောက် ကင်းရန်အတွက် အထောက်အကူပေးကြောင်း သိရ သည်။

”ခါးနာရောဂါဟာ တခြားရောဂါတွေလို ခဏလေး နဲ့ပျောက်နိုင်တဲ့ရောဂါမဟုတ်ပါဘူး။ ပျောက်သွားလိုက်၊ ပြန်ဖြစ်လိုက်ဖြစ်တဲ့ရောဂါမျိုးပါ”ဟု ဆိုသည်။
.
ခါးနာခြင်းအမျိုးမျိုးရှိ

ခါးနာခြင်းသည်အမျိုးမျိုးရှိပြီး ထိခိုက်ဒဏ်ရာ ကြောင့် ခါးနာခြင်း၊ ခါးရိုးဆစ် တီဘီရောဂါကြောင့် ခါးနာ ခြင်း၊ အသက်အရွယ်ကြောင့် ခါးနာခြင်း၊ အထိုင်များ သောအလုပ်များကို နေ့စဉ်လုပ်ဆောင်နေပြီး ကိုယ်လက် လှုပ်ရှားမှုလေ့ကျင့်ခန်းလုပ်မှုနည်းပါးခြင်းကြောင့် ခါး နာခြင်းစသည့် အကြောင်းအမျိုးမျိုးတို့ကြောင့် ခါးနာ ခြင်းကို ခံစားရနိုင်ကြောင်း သိရသည်။

ဘယ်လိုနေထိုင်မှုပုံစံတွေက ခါးနာစေနိုင်သလဲ

”အဆစ်မရောင်ဘဲ ခါးနာခြင်းအနေနဲ့အဓိကဆိုင် တာက အလေးအပင်တွေ ကုန်းပြီးတော့ မလိုက်တာမျိုး တွေ၊ ပက်လက်ကုလားထိုင်တို့၊ ပုခက်တို့လိုမျိုးတွေမှာ အိပ်တာမျိုးတွေက ခါးနာတာကိုဖြစ်နိုင်တယ်။ ဥပမာ-ဖင်ထိုင်ခုံမှာထိုင်ရင်လဲ ခါးကိုမတ်မတ်အနေအထားနဲ့ ကျောနဲ့ထိုင်ခုံကပ်၊ တင်ပါးကလဲ သူနေရာနဲ့သူမတ်မတ် သဘောမျိုးဖြစ်အောင်ထိုင်ရမယ်၊ ခါးကြီးကကုန်းပြီး တော့ထိုင်နေတာမျိုးတွေက မလုပ်သင့်ဘူး။ ထိုင်ပုံထိုင် နည်း၊ အိပ်နည်းတွေက နည်းစနစ်မှန်မှန်နေထိုင်မှ ကောင်း တာ၊ မဟုတ်ရင် ခါးကနာသွားနိုင်တယ်”ဟု ဒေါက်တာ ချစ်စိုးက ထပ်မံပြောသည်။

လူအများစုသည် ထိုင်ရာတွင်ခါးကိုတည့်မတ်သည့် ပုံစံဖြင့် ထိုင်ခြင်းမရှိကြဘဲ ဆိုဖာကဲ့သို့သောထိုင်ခုံများ ပေါ်တွင် အချိန်ကြာကြာထိုင်မိနေခြင်းကို ပိုမိုဂရုစိုက် သင့်ပြီး ခါးဆစ်ရိုးအနေအထားကို တည့်မတ်ခြင်း မရှိ သည့်ထိုင်ခုံများတွင် ကြာကြာထိုင်ပါက ခါးနာခြင်းကို ဖြစ်ပေါ်စေနိုင်ကြောင်း သိရသည်။

ဘာတွေရှောင်ကြဉ်သင့်သလဲ

ခါးနာခြင်းဝေဒနာမဖြစ်ပေါ်စေရန်အတွက် မနိုင် သောအလေးအပင်ပစ္စည်းများကို ကုန်း၍မယူခြင်း၊ ထမ်း ခြင်းများ၊ အထိုင်များပြီး လမ်းလျှောက်မှုနည်းခြင်းများ၊ အိစက်ပျော့ပျောင်းသော အိပ်ရာပေါ်တွင် အချိန်ကြာ ရှည်စွာအအိပ်များခြင်း၊ ညောင်းညာခြင်းကြောင့် ခါးရိုး ပေါ်တွင် အနှိပ်ခံတတ်သူတို့သည် အထူးသတိထား ရှောင်ရှားသင့်ကြောင်းနှင့်အဆစ်များမရောင်ဘဲနှင့်ဖြစ် သောခါးနာခြင်းသည် နေထိုင်မှုပုံစံ ပုံမှန်မဟုတ်ခြင်း ကြောင့်ဖြစ်ကြောင်း သိရသည်။

လူငယ်များတွင်အဖြစ်များတတ်သော ခါးနာခြင်း
ခါးရိုးများရောင်ခြင်းကြောင့် ခါးနာခြင်းကို လူငယ် များတွင် ပိုမိုအဖြစ်များသည်ကိုတွေ့ရကြောင်း၊ အဆစ် ရောင်ခါးနာဟုခေါ်ဆိုနိုင်ကြောင်း သိရသည်။

”ဘယ်လိုသိသာလဲဆိုတော့ ခါးနာတယ်။ အသက် ကလဲ ၄ဝမကျော်သေးဘူး။ အဲဒီလူက မနက်စောစောမှာ ပိုနာတယ်ဆိုရင် ခါးဆစ်ရိုးတွေရောင်လို့ဖြစ်တဲ့ ခါးနာ ရောဂါဖြစ်တာများတယ်”ဟု ပါမောက္ခဒေါက်တာချစ်စိုး က ပြောသည်။

လူလတ်ပိုင်းတွင်ပိုအဖြစ်များသော ခါးနာခြင်း

ယင်းသို့သောအဆစ်များရောင်နေသည့် ခါးနာလူနာ များကို လေ့ကျင့်ခန်းဌာနသို့ လွှဲပြောင်းပေးလိုက်ပြီး အဆိုပါဌာနမှ ခါးကြောများသန်စေရန်အတွက် လေ့ကျင့် ခန်းများပြုလုပ်ပေးခြင်းဖြင့် ခါးနာရောဂါသည်သက်သာ ပျောက်ကင်းနိုင်မည်ဖြစ်ကြောင်း၊ ယင်းသို့ဖြစ်ပွားခြင်း သည် လူလတ်ပိုင်းတို့တွင် ပိုအဖြစ်များကြောင်း သိရ သည်။

”တချို့ခါးနာရောဂါတွေက သတိမထားမိရင် ကုသ ဖို့ခက်ခဲရလောက်အောင် ဆိုးရွားနိုင်တာမျိုးတွေရှိ တယ်။ ခါးနာတဲ့ပုံစံအပေါ်မူတည်ပြီး ကုသမှု ကလဲကွာခြားပါ တယ်။ ဒါကြောင့် ခါးနာမှုစတင်လာပြီဆိုရင် သက်ဆိုင် ရာဆရာဝန်တွေနဲ့ပြသကုသမှု ခံယူကြဖို့လိုပါတယ်” ဟု ဒေါက်တာချစ်စိုးက အကြံပြုပြောကြားခဲ့သည်။