ဘယ္အသားေရမဆို ၾကည္လင္ဝင္းပလာေစမဲ့ မ်က္ႏွာေပါင္းတင္နည္းမ်ား

ရာသီဥတုက ပူလိုက်အေးလိုက်ဖြစ်နေရင် ကျွန်မတို့ရဲ့ အသားရေတွေ ကြည်လင်ဝင်းပနေဖို့ ပိုဂရုစိုက်ပေးရပါတယ်။ ကျွန်မတို့ရဲ့အသားရေက ဖုန်မှုန့်တွေ၊ လေထုညစ်ညမ်းတာတွေ၊ နေရောင်ခြည်ဒဏ်တွေ ပြင်းပြင်းထန်ထန် ခံရတာကြောင့် အသားရေပျက်စီးမှုတွေ ကြုံရတတ်ပါတယ်။

ရာသီဥတုအပြောင်းအလဲကြောင့် အသားရေ မွဲခြောက်ခြောက်နဲ့ ကြည်လင်ဝင်းပမှုမရှိဘူးဆိုရင် စိတ်ပူစရာတော့မလိုပါဘူးနော်…။

သင့်အသားရေလေးကို ရေဓာတ်ကော အာဟာရဓာတ်ပါ ဖြည့်ပေးမယ့် အကောင်းဆုံးမျက်နှာပေါင်းတင်နည်းတွေရှိပါတယ်။ ဓာတုပစ္စည်းတွေပါနိုင်တဲ့ မျက်နှာပေါင်းတင်ဆေးတွေ ဝယ်စရာမလိုပဲ အိမ်မှာပဲ သဘာဝနည်းလမ်းတွေနဲ့ ပေါင်းတင်ကြည့်လိုက်ကြရအောင်…..။

အဆီပြန်တဲ့အသားရေအတွက်

ကြက်ဥအနှစ်မျက်နှာပေါင်းဆေးက ချွေးပေါက်ကျယ်တဲ့၊အဆီပြန်တဲ့အသားရေအတွက် သင့်တော်ပါတယ်။ အသားရေမှာ အညစ်အကြေးဖုန်မှု့်တွေမရှိအောင် ကာကွယ်ပေးပါတယ်။ သင့်မျက်နှာပေါ်မှာ ကြက်ဥအနှစ်ကို လိမ်းလိုက်ပြီး မိနစ် (၂၀) လောက် အချိန်ပေးလိုက်ပါ။ အဲဒီနောက် ရိုးရိုးရေနဲ့ မျက်နှာသန့်စင်ပေးလိုက်ပါ။ ဒီမျက်နှာပေါင်းတင်နည်းက သင့်အသားရေကို တင်းရင်းစေပြီးကျန်းမာသန့်စွမ်းစေပါတယ်။

ခြောက်သွေ့တဲ့အသားရေအတွက်

အုတ်ဂျုံမျက်နှာပေါင်းဆေးက ခြောက်သွေ့တဲ့အသားရေအတွက် ကောင်းမွန်ပါတယ်။ အုတ်ဂျုံ၊ ကြက်ဥအနှစ်နဲ့ ပျားရည်တွေက လေထုညစ်ညမ်းမှုကြောင့် ပျက်စီးတဲ့ အသားရေကို ကုသပေးပါတယ်။ အုတ်ဂျုံ၊ ကြက်ဥနှစ်၊ ပျားရည်တွေကို အချိုးကျစွာ ရောစပ်လိုက်ပါ။ ရောစပ်မှုနဲ့ မျက်နှာမှာ (၁၅) မိနစ်လောက် ပေါင်းတင်ထားလိုက်ပြီး အဲဒီနောက်မှာ ရိုးရိုးရေနဲ့ မျက်နှာသန့်စင်လိုက်ပါ။ အသားရေနူးညံ့သွားတဲ့ရလဒ်ကို ခံစားရမှာပါ။

သာမန်အသားရေအတွက်

ငှက်ပျောမျက်နှာပေါင်းဆေးက သာမန်အသားရေနဲ့ ကိုက်ညီပါတယ်။ လတ်ဆတ်တဲ့မလိုင်နဲ့ ငှက်ပျောသီးတစ်ဝက်တို့ကို ရောစပ်လိုက်ပါ။ အဲဒီရောနှောမှုကို မျက်နှာပေါ်မှာ လိမ်းပြီး မိနစ် (၃၀) လောက် အချိန်ပေးလိုက်ပါ။ အဲဒီနောက် ရိုးရိုးရေနဲ့ မျက်နှာသန့်စင်လိုက်ရမှာပါ။ ဒီနည်းက သင့်အသားရေကို အာဟာရဖြည့်ပေးဖို့နဲ့ အသားရေစိုပြေဖို့အတွက် အကောင်းဆုံးရွေးချယ်မှုပါပဲ။