အမြဲတစေနှုတ်ခမ်းခြောက်သွေ့ကွဲအက်နေတဲ့ပျိုမေတို့သိထားစေဖို့

အမြဲတစေနှုတ်ခမ်းခြောက်သွေ့ကွဲအက်နေတဲ့ပျိုမေတို့သိထားစေဖို့

ပြီးပြည့်စုံလှပတဲ့မျက်နှာလေးတစ်ခုဖြစ်ဖို့ဆိုတာ နှုတ်ခမ်းလေးတစ်စုံကိုလည်း ချန်ထားခဲ့လို့မဖြစ်ပါဘူး။နှုတ်ခမ်းအရေပြားက မျက်နှာအစိတ်အပိုင်းတွေအားလုံးထဲမှာ ထိခိုက်လွယ်ဆုံးဖြစ်တဲ့အတွက် နှုတ်ခမ်းတွေခြောက်သွေ့နေရင်မျက်နှာက ဖြူဖပ်ဖြူရော် ဖြစ်နေသလိုသလို တစ်ခုခုပဲလိုနေသလိုလိုဖြစ်နေတတ်ပါတယ်။ အဲ့ဒါကြောင့် ဆောင်းရာသီတင် မက ဆယ့်နှစ်ရာသီလုံးနှုတ်ခမ်းတွေခြောက်သွေ့ကွဲအက်နေတဲ့ပျိုမေတို့အတွက် လှပရွှန်းစိုတဲ့နှုတ်ခမ်းလွှာလေးရစေဖို့ အကြံကောင်းလေးတွေပြောပြပေးသွားပါမယ်။

၁)Matte နှုတ်ခမ်းနီတွေရှောင်ပါ

အခုတလောခေတ်စားနေတာတွေက အကုန် Matte တွေချည်းပါပဲ။Matteက ဆိုးထားရင်လည်းကြာကြာခံပြီး လှပလို့မိန်းကလေးတော်တော်များများက ကြိုက်ကြပါတယ်။ ဒါပေမဲ့လည်း နှုတ်ခမ်းနီအခြောက်ဖြစ်လို့ တစ်ပတ်လောက်ဆိုးလိုက်တာနဲ့ သိသိသာသာနှုတ်ခမ်းတွေခြောက်သွေ့လာပါလိမ့်မယ်။အဲ့ဒါကြောင့် မဖြစ်မနေ Matte ဆိုးရမယ်၊ဆိုးချင်တယ်ဆိုရင် နှုတ်ခမ်းအလှဆီအားဖြည့်ဆီခံပြီးဆိုးပေးပါ။Matte ထဲမှာလည်းနှုတ်ခမ်း သားမခြောက်သွေ့စေဖို့အဆီပါဝင်တဲ့နှုတ်ခမ်းနီတွေရှိပါတယ်။ အဲ့လိုမျိုးကိုရွေးချယ်ဆိုးပါ။

၂)နှုတ်ခမ်း Scrub လုပ်ပါ

မျက်နှာကိုပေါင်းတင်ချေးချွတ်လို့ရသလို နှုတ်ခမ်းကိုလည်းခြောက်သွေ့တာတွေကာကွယ်နိုင်ဖို့ Scrub လုပ်ပေးပါ။တစ်ပတ်ကိုတစ်ခါလောက် သကြားနဲ့အုန်းဆီလေးနည်းနည်းရောပြီး ညဘက်အိပ်ရာဝင်မျက်နှာသန့်စင်သွားတိုက်ပြီးတဲ့အခါ လိမ်းပြီးအိပ်ပါ။သွားတိုက်တဲ့အခါမှာလည်း သွားတိုက်တံလေးနဲ့နှုတ်ခမ်းသားကိုဖြည်းဖြည်းချင်းစက်ဝိုင်းပုံစံပွတ်တိုက်ပေးပါ။ပြီးမှ အုန်းဆီနဲ့သကြားလေးနည်းနည်းလူးပေးပါ။၁၅မိနစ်လောက်နေရင် ဖြည်းဖြည်းချင်းဖျက်ပြီး နှုတ်ခမ်းအဆီတစ်မျိုးမျိုးဆိုးပေးထားပါ။တစ်ပတ်ကိုတစ်ခါလောက်ပုံမှန်လုပ်ပေးရင် အမြဲတစေနှုတ်ခမ်းခြောက်မနေတာကိုသိသိသာသာမြင်တွေ့ရပါလိမ့်မယ်။

၃)ရေများများသောက်ပါ

နှုတ်ခမ်းခြောက်တာက ရေဓာတ်မပြည့်ဝရင်လည်းဖြစ်စေပါတယ်။ခန္ဓာကိုယ်က လိုအပ်တဲ့ရေဓာတ်မရတဲ့အခါ နှုတ်ခမ်းခြောက်သွေ့တာတွေ၊အသားအရည်ခြောက်သွေ့ တာတွေဖြစ်တတ်ပါတယ်။အဲ့ဒါကြောင့်ရေများများသောက်ပေးဖို့လည်းလိုပါတယ်။

၎)ပေါင်းတင်ပါ

နှုတ်ခမ်းသားကိုချေးချွတ်ပြီးတဲ့အခါ ပြန်ပြီးပေါင်းတင်အားဖြည့်ပေးဖို့လည်းလိုပါတယ်။နှုတ်ခမ်း အလှဆီအပြင် သဘာဝအတိုင်းအားဖြည့်ပေးတဲ့အရာတွေကိုလည်းသုံးပေးဖို့လိုပါတယ်။ လွယ်လွယ်ကူကူသခွားသီးနဲ့လည်းနှုတ်ခမ်းသားကိုကာကွယ်အားဖြည့်နိုင်ပါတယ်။ သခွားသီးကမျက်လုံး၊အသားအရည်အတွက်သာမက နှုတ်ခမ်းအတွက်လည်းကောင်းပါတယ်။ သခွားသီးကိုအရည်ညှစ်ပြီးဖြစ်စေ၊နှုတ်ခမ်းပေါ်တင်ရုံသေးသေးပါးပါးလေးဖြစ်စေလှီးပြီးတော့ ကပ်ထားပေးပါ။၁၀မိနစ်လောက်ကြာရင်တော့ခွာပေးလို့ရပါပြီ။ဆောင်းရာသီမှာဖြစ်တတ်တဲ့နှုတ်ခမ်းခြောက်သွေ့တာအပြင် အမြဲနှုတ်ခမ်းခြောက်ညိုမည်းနေတဲ့ပျိုမေတို့အတွက်လည်း အသုံးဝင်တဲ့ပေါင်းတင်နည်းတစ်ခုပါ။

၅)ပူစပ်တဲ့အစားအစာတွေ၊အချဉ်ဓာတ်များတဲ့အစားအစာတွေကိုရှောင်ပါ

အချဉ်ဓာတ်များတဲ့အစားအစာတွေ၊ပူစပ်တဲ့အစားအစာတွေကသင့်ရဲ့နှုတ်ခမ်းပေါ်က သဘာဝအတိုင်းကာကွယ်ပေးတဲ့အရေပြားအလွှာကိုထိခိုက်စေပါတယ်။အဲ့ဒါကြောင့် ပန်းနုရောင်နှုတ်ခမ်းသားလေးလိုချင်တယ်ဆိုရင် ပူစပ်ချဉ်စပ်အစားအစာတွေကို ရှောင်ပေးဖို့လိုအပ်ပါတယ်။

၆)နှုတ်ခမ်းကိုလျှာနဲ့မသပ်ပါနဲ့

တော်တော်များများက နှုတ်ခမ်းတွေခြောက်လာပြီဆိုရင်လျှာနဲ့သပ်လိုက်လေ့ရှိပါတယ်။ဒါပေမဲ့ အဲ့လိုလျှာနဲ့သပ်လိုက်တာဟာ နှုတ်ခမ်းကိုပိုခြောက်သွေ့စေပါတယ်။ အဲ့ဒါကြောင့် နှုတ်ခမ်းခြောက်လာရင် လျှာနဲ့သပ်တတ်တဲ့အကျင့်ကိုဖျောက်ပါ။အရမ်းခြောက်နေရင် ရေသောက်ပြီးနှုတ်ခမ်းကိုရေနဲ့နည်းနည်းထိပေးပါ။

ဒီအချက်တွေကိုလိုက်နာမယ်ဆိုရင် အမြဲတစေနှုတ်ခမ်းခြောက်သွေ့ကွဲအက်နေတဲ့ပျိုမေတို့အတွက် လှပရွှန်းစိုတဲ့နှုတ်ခမ်းလေးပိုင်ဆိုင်လာမှာအမှန်ပါပဲ…