အအေးမိတုပ်ကွေးဖြစ်တဲ့အချိန်မှာ စားပေးသင့်တဲ့အစားအစာနဲ့ ရှောင်သင့်တဲ့ အစားအစာ

အအေးမိတုပ်ကွေးရောဂါဟာ အခုလို မိုးရွာလိုက် နေပူလိုက်ဖြစ်နေတဲ့ ရာသီဥတုအခြေအနေ၊ ရာသီဥတုအကူးအပြောင်းတွေမှာ အဖြစ်များပါတယ်။ တုပ်ကွေးဖြစ်တာက ဘက်တီးရီးယားနှင့် ဗိုင်းရပ်စ်ရောဂါပိုးတွေကြောင့်ပါပဲ။ ဒါ့ကြောင့်တုပ်ကွေးမဖြစ်အောင် ဂရုစိုက်ဖို့လိုပါတယ်။

အအေးမိ ၊တုပ်ကွေးဖြစ်တဲ့အခါ ကိုယ်ခံစွမ်းအားစနစ်ကို ကောင်းမွန်စေမယ့် ဒီလိုအစားအစာများကို စားပေးခြင်းဖြင့် တုပ်ကွေးလက္ခဏာနဲ့ ပြင်းထန်မှုကို လျော့ပါးသွားစေပါလိမ့်မယ်။

၁။ ကြက်စွပ်ပြုတ်

ကြက်စွပ်ပြုတ်မှာ နှာခေါင်း၊ လည်ချောင်း၊ ရင်ဘတ် ယောင်ရမ်းခြင်းကြောင့်ဖြစ်တဲ့ အချွဲကိုပါးစေတဲ့ cysteine ဒြပ်ပေါင်းများ ပါရှိပါတယ်။ အဆုတ်ထဲမှာ ရောင်ရမ်းမှုကိုလည်း လျှော့ချစေနိုင်ပါတယ်။

၂။ ဒိန်ချဉ်
ဒိန်ချဉ်ထဲမှာပါရှိတဲ့ ပရိုဖိုင်ရောတစ်က ဖျားနာမှုဖြစ်ပွားခြင်းကို လျော့ချပေးနိုင်ပြီး လျင်မြန်စွာ သက်သာပျောက်ကင်းစေပါတယ်။ ဒိန်ချဉ်မှာ ပရိုတင်းဓါတ်၊ ဗီတာမင်နှင့် သတ္တုဓါတ်များ ပါဝင်ပါတယ်။ ဒိန်ချဉ်နှင့် အခြားနို့ထွက်ပစ္စည်းထုတ်ကုန်များမှာ ကိုယ်ခံစွမ်းအားစနစ်ကို ထောက်ပံ့ပေးတဲ့ ဇင့်ဓါတ်လည်း ကြွယ်ဝါတယ်။

၃။ ဗီတာမင်စီ ကြွယ်ဝသောအသီးများနှင့် ဘယ်ရီသီးများ
ဗီတာမင်စီက အအေးမိခြင်းကို တားဆီးပေးယုံသာမဟုတ်ဘဲ လေ့လာမှုတွေမှာ ဗီတာမင်စီကြွယ်ဝတဲအစားအစာများက မြန်မြန်နလန်ပြန်ထစေတယ်လို့ ဆိုပါတယ်။ နှာစေးခြင်း၊ နှာရည်ယိုခြင်းစတဲ့ လက္ခဏာတွေကို လျော့ချပေးတဲ့ antihistaminic သက်ရောက်မှုအနည်းငယ်လည်း ရှိပါတယ်။

လိမ္မော်သီးများ၊ သံပုရာသီးများ၊ ဘယ်ရီသီး၊ စပျစ်သီးများနှင့် ရှောက်သီးများသည် ဖျားနာနေစဉ်နှင့် နာလန်ထအချိန်များတွင် ပြန်လည်ကောင်းမွန်လာစေရန်အတွက် စားသုံးသင့်သော အစားအစာများဖြစ်ပါသည်။

၎။ ဟင်းခတ်အမွှေးအကြိုင်များ
ကြက်သွန်ဖြူ၊ နနွင်း၊ ငရုတ်ကောင်း နှင့်တခြား အားကောင်းတဲ့ အနံ့အရသာတွေက နှာခေါင်းပိတ်တာတွေကို ပွင့်စေပါတယ်။ ကြက်သွန်ဖြူနှင့် ဂျင်းများမှာ ရောင်ရမ်းမှုကို လျော့ကျစေနိုင်တဲ့ ဓါတ်များနှင့် အင်တီအောက်ဆီဒင့်များ ပါဝင်တာကြောင့် ဖျားနာမှုကို အလျင်အမြန်ပျောက်ကင်းစေနိုင်ပါတယ်။

၅။ အနီရောင်အသားများနှင့် ကနုကမာများ
ဇင့်ဓါတ်အရင်းအမြစ် ကြွယ်ဝတာကြောင့် သင့်ရဲ့ပရိုတိန်းအတွက် ဒီအစားအစာတွေကို ရွေးချယ်ပါ။ အသားမှာ သံဓါတ်များစွာပါတာကြောင့် ခုခံအားစနစ်ကို ကောင်းစေပါတယ်။

၆။ အရက်မသောက်ပါနဲ့
အအေးမိ၊ တုပ်ကွေးဖြစ်တဲ့အခါ အရည်အများကြီးကို သောက်သင့်ပေမယ့် အယ်ကိုဟောကိုတော့ ရှောင်ပါ။ ဝိုင်၊ ဘီယာနှင့် အရက်များက ခန္ဓာကိုယ်ရဲ့ရောဂါကူးစက်တိုက်ဖျက်ခြင်း စွမ်းရည်ကို လျော့ကျစေပါတယ်။