မ်က္ႏွာေပၚက မလိုအပ္တဲ့ အေမႊးအမွ်င္ေတြကို သဘာဝနည္းလမ္းအတိုင္း ဖယ္ရွားနည္း

မျက်နှာပေါ်မှာ အမွှေးအမျှင်တွေ များနေလို့ စိတ်ညစ်နေလား။ ဒါဆိုရင်တော့ သဘာဝနည်းလမ်းနဲ့ အမွှေးပါးသွားအောင် ပြုလုပ်နည်း ၂ ခုကို မျှဝေပေးသွားမယ်နော်။

၁။ ပါဝင်ပစ္စည်း

သံပုယိုရည် လက်ဖက်ရည်ဇွန်း ၁ ဇွန်း
ပျားရည် စားပွဲတင်ဇွန်း ၁ ဇွန်း
သကြား စားပွဲတင်ဇွန်း ၃ ဇွန်း

ခွက်တစ်လုံးထဲမှာ သကြားနဲ့ ပျားရည်ကိုထည့်လိုက်ပါ။ မမွှေသေးဘဲ microwave ထဲကို ၂ မိနစ် ၃ မိနစ်လောက်ထည့်ပြီး အပူပေးပါ။ သကြားပျော်မသွားသေးရင်ပျော်သွားတဲ့ထိ ပေးပါ။

ပြီးရင် သံပုယိုရည်ထည့်ပြီး သေချာမွှေလိုက်ပါ။ ပြီးရင် microwave ထဲ ၂ မိနစ်လောက်ထပ်ထည့်ပါ။ ပြီးရင် မိနစ် ၂၀ လောက်အအေးခံထားပါ။ စောစောကဖော်စပ်ထားတဲ့ အရည်က ခပ်နွေးနွေးလေးပဲ ရှိနေပါဦးမယ်။ ပြီးရင် အမွှေးတွေရှိတဲ့နေရာမှာ လိမ်းပေးပါ။

ပြီးရင် ခြောက်အောင်ထားပြီး ရေနွေးနဲ့ ဆေးချပါ။ စောစောက ပျားရည် သကြား သံပုယိုရည်ရောထားတဲ့ အရည်ကိုလိမ်းပြီး ခဏထားကာ အမွှေးကို ဆွဲနုတ်ချင်လည်းရပါတယ်။ နာမှာစိုးရင်တော့ ရေနွေးနဲ့ပဲ ဆေးချလိုက်ပါ။

၂။ ပါဝင်ပစ္စည်း

ကော်မှုန့် (Corn Flour) စားပွဲတင်ဇွန်း တစ်ဝက်
ကြက်ဥ ၁ လုံး
သကြား စားပွဲတင်ဇွန်း ၁ ဇွန်း
ကြက်ဥကိုခွဲလိုက်ပြီး အကာကိုပဲယူပါ။ ပြီးရင် သကြားနဲ့ ကော်မှုန့်ထည့်ပြီး သေချာမွှေပေးပါ။

လုံး၀ ပျော်ဝင်သွားပြီဆိုရင် မျက်နှာပေါ်က အမွှေးတွေရှိတဲ့နေရာမှာ လိမ်းပေးပြီး မိနစ် ၂၀ လောက်ခြောက်အောင်ထားပါ။ ခြောက်သွားရင် အသားက တင်းလာမှာဖြစ်ပါတယ်။ ပြီးရင် လက်နဲ့ ဖြည်းဖြည်းလေး ခွာချပါ။

တစ်ပတ်ကို ၃ ကြိမ် (သို့) ၄ ကြိမ်လုပ်ပေးပါ။

လိုက်နာရမယ့်နည်းလမ်းများ
အိမ်တွင်း သဘာဝနည်းလမ်းတွေအတွက်စိတ်ရှည်ပါ။ တစ်နေ့ကို ရေများများ အသီးအနှံများများစားပါ။
အထက်ဖော်ပြပါနည်းလမ်းတွေ မလုပ်ခင် ရေနွေးနဲ့ ရေချိုးပါ။
လုပ်ပြီးသွားရင်လည်း ရေသေချာဆေးပေးပါ။