ဆံပင်ကျွတ်ပြီး အဖျားရှူးလာတာကို ပြန်လည်ပြုပြင်ပေးမယ့် အလွယ်ဆုံး ပေါင်းတင်နည်း (၄)မျိုး

ပျိုမေတို့ ဆံပင်အရှည်ထားတဲ့အခါ ဆံပင်ကျွတ်တာရယ်၊ အဖျားတွေခြောက်ပြီးကွဲတာတွေရယ်ကြောင့် ကိုယ်လိုချင်တဲ့အရှည်လည်းရောက်ရော ဆံပင်အဖျားရှူးပြီး ပါးပါးလေးဖြစ်နေတတ်ပါတယ်။ ဒီလိုမဖြစ်ရအောင် ဆံပင်အဖျားလေးတွေကို မကြာခဏတိပေးဖို့လိုပြီး အခုဖော်ပြမယ့် ပေါင်းတင်နည်းလေးတွေကိုလည်း ပုံမှန်လုပ်ပေးသွားဖို့လိုပါတယ်။

(၁) စတော်ဘယ်ရီ

စတော်ဘယ်ရီအနည်းငယ်နဲ့ ကြက်ဥအနှစ်တစ်လုံးတို့ကိုရောမွှေပြီး ရလာတဲ့ အနှစ်ကို ဦးရေပြားနဲ့ ဆံပင်အနှံ့ လိမ်းပြီး မိနစ် ၂၀ ကြာရင် ရေနွေးနွေးလေးနဲ့ဆေးပြန်ချပေးလိုက်ပါ။ တစ်ပတ်တစ်ခါလောက် ပုံမှန်လုပ်ပေးရုံပါပဲ။

(၂) ကြက်ဆူဆီ

ကြက်ဆူဆီတစ်ဇွန်း၊ သံလွင်ဆီတစ်ဇွန်း၊ ပျားရည်တစ်ဇွန်းတို့ကိုရောမွှေပြီး တစ်ခေါင်းလုံး အနှံ့လိမ်းပေးကာ နာရီဝက်လောက်ထားပြီး ခေါင်းလျှော်ပေးပါ။ တစ်ပတ်နှစ်ခါလောက် ပုံမှန်လုပ်ပေးသွားရင် တခြားဆံပင်ပေါင်းဆေးတွေ သုံးဖို့တောင်မလိုတော့ပါဘူး။

(၃) ဒိန်ချဉ်

ဒိန်ချဉ်အသန့်တစ်ဇွန်း၊ ပန်းသီးရှာလကာရည်တစ်ဇွန်း၊ ပျားရည်တစ်ဇွန်းတို့ကိုရောမွှေပြီး ဆံပင်အရင်းကနေ အဖျားအထိလိမ်းပေးပါ။ တဘက်နဲ့ပေါင်းထားပြီး ၁၅ မိနစ်ကြာရင်ရေအေးနဲ့ခေါင်းလျှော်ပေးလိုက်ပါ။ တစ်ပတ်တစ်ကြိမ်လောက်လုပ်ပေးရင် ဆံပင်ကျွတ်ပြီးပါးတာ၊ အဖျားရှူးတာတွေမဖြစ်တော့အောင် တားဆီးပေးနိုင်ပါတယ်။

(၄) ငှက်ပျောသီး၊အုန်းဆီ

ငှက်ပျောသီးမှည့်တစ်လုံး၊ အုန်းဆီတစ်ဇွန်း၊ ပျားရည်တစ်ဇွန်းတို့ကိုရောမွှေပြီး တစ်ခေါင်းလုံး အနှံ့လိမ်းကာ ၅ မိနစ်ကြာရင် ရေနွေးလေးနဲ့ခေါင်းလျှော်ပေးလိုက်ပါ။ ၄ရက်တစ်ကြိမ်လောက် လုပ်ပေးရင် ဆံပင်ကျွတ်တာပါးတာတွေ လုံးဝမရှိတော့ဘဲ ဆံပင်ထူထူလှလှလေးကို ရပါလိမ့်မယ်။